×
" စက်ဆီ၊ ချောဆီနှင့် ဆက်စပ်ပစ္စည်းလုပ်ငန်းရှင်များအသင်းမှ ဝမ်းနည်းကြောင်း သဝဏ်လွှာ "
ရက်စွဲ၊ ၂၀၂၅ ခုနှစ်၊ မတ်လ ၃၁ ရက်
- ၂၀၂၅ ခုနှစ်၊ မတ်လ (၂၈)ရက် သောကြာနေ့ မွန်းလွဲ (၁၂) နာရီ (၅၅) မိနစ်ဝန်းကျင်တွင် (၇.၇) ရစ်ချက်တာစကေးရှိ အလွန်အင်အားပြင်းမြေငလျင်သည် မြန်မာနိုင်ငံအလယ်ပိုင်းကို ဗဟိုပြုလှုပ်ခတ် သွားပြီး နောက်ဆက်တွဲ မြေငလျင်အသေးစားများလည်း ထပ်မံဖြစ်ပွားနေကြောင်း သိရှိရပါသည်။
- အဆိုပါပြင်းထန်သည့် မြေငလျင်လှုပ်ခတ်မှုကြောင့် ရှေးဟောင်းယဥ်ကျေးမှုအမွေအနှစ်များ၊ ဘာသာရေးအဆောက်အအုံများ၊ ကျောင်းများ၊ လူနေအိမ်အဆောက်အအုံများ၊ ဟိုတယ်များ ပျက်စီး ဆုံးရှုံးခဲ့ကြပြီး ပြည်သူများ အသက်အိုးအိမ်စည်းစိမ်များလည်း ဆုံးရှုံးခဲ့ရပါသည်။
- စက်ဆီ၊ ချောဆီနှင့် ဆက်စပ်ပစ္စည်းလုပ်ငန်းရှင်များအသင်းမှ သက်ဆိုင်ရာအဖွဲ့အစည်းများနှင့် ညှိနှိုင်းဆောင်ရွက်ကာ မြေငလျင်ဒဏ်ခံပြည်သူများအတွက် အရေးပေါ်ကူညီထောက်ပံ့ရေးလုပ်ငန်း များတွင် တတ်အားသ၍ ပါဝင်ကူညီသွားမည်ဖြစ်ပြီး အသက်အိုးအိမ်ထိခိုက် ပျက်စီးမှုများအတွက် အထူးဝမ်းနည်းကြေကွဲရပါကြောင်းနှင့် ဒဏ်ရာရရှိသူများ အမြန်ဆုံးပြန်လည် ကောင်းမွန်ပါစေကြောင်း ဆုမွန်ကောင်း တောင်းလိုက်ပါသည်။
အလုပ်အမှုဆောင်အဖွဲ့
စက်ဆီ၊ ချောဆီနှင့် ဆက်စပ်ပစ္စည်းလုပ်ငန်းရှင်များအသင်း
